लावाँ-लावाँ रे गणगौर
म्हारा घर रणुबाई खऽ लावाँ॥ म्हारा घर...
लीपाँ-छाबाँ घर अंगणा खऽ
सोरा सैरी गली अंगणा खऽ
लावाँ रणुबाई वाट हार॥
म्हारा घर...
ढोली बाबा ढोल बजा रे
मंग्या दाजी ढोल बजा रे
सब बोलो जै जैकार॥
म्हारा घर...
जल-नरबदा-सी पाँय पखाराँ
पेली चूँदड़ी चोली पेरावाँ
सब बोलो जै जैकार॥
म्हारा घर...
बिंदी-बोरो टिक्की चूड़िलो
नथणी-झुमकी लाल चूड़िलो
कराँ रणुबाई को सिणगार॥
म्हारा घर...
बामण-गवरनी जोड़ा जीमाड़ा
दिन बुधवार बेटी नी जाती
खेलाँ गौर अपण फूलपाती
गावाँ बठी नऽ गीत दुई-चार॥
म्हारा घर...
धाणी तमोल नऽ मयंदी वाटा
घर पड़ोस मऽ मयंदी वाटा
देवा झालरियो बारंबार॥
म्हारा घर...
- जीवन जोशी 'करुण'
लोड हो रहा है...