जिनगी का थपेड़ा मऽ हम तो भण्डई गया,
सोच्यो कईं थो नऽ, हाल कईं हुई गया।
खिल्यो-खिल्यो रूप थो, नऽ कसी थी जुवानी,
आवं तो गुठली सी ज्यादा हम चुसई गया।
दुःख-दरद मिलज सदा नऽ होवऽ नाक मऽ दम,
घर-गरस्थी की चक्की मऽ हम तो पिसई गया।
भगवान को नाव लेणऽ देता नी लुगई-बच्चा,
कसो म्हारा जीव खऽ आग मऽ तपई रयाज।
ऐ 'अखिलेश' या जिनगी कुड़तऽ कळपतऽ जावगऽ,
दियो जऽ माथो उख्खल मऽ मूस्सल सी दबई गया।
- अखिलेश जोशी
लोड हो रहा है...
प्रतिक्रियाएँ