थारा हाल बता तू प्यारा।
उनका तो छे वारा-न्यारा।
तू बी खातो मीठी कयरी,
कदी अम्बो लगावता अज्या* थारा।
नींद खुली नऽ सपनो टूट्यो,
हवा मँऽ उडन्या रइगा नारा।
दूध पेवाड़ो नऽ पुन्ना कमावो,
सबई नऽ खोल्या नाग पिटारा।
सड़क किनारऽ बठण्यो जोतिस,
बतइ रयोज ऊ भाग हमारा।
जाफा उच्चो थिगणऽ को सोच्यो,
दिन मँऽ हमनऽ देख्या तारा।
जेतरी सक्कर नाखी 'अनुज',
रिस्ता ओतरा हुयाज खारा।
*अज्या=पुरखा
- कुँअर उदयसिंह 'अनुज'
लोड हो रहा है...